شاہد آفریدی بھی کورونا وائرس کا شکار

تفصیلات کے مطابق سابق کپتان شاہد آفریدی کے کورونا میں مبتلا ہونے کی اطلاع منیجر کوئٹہ گلیڈی ایٹرز اعظم خان نے دی ہے ۔ اس حوالے سے منیجر کوئٹہ گلیڈی ایٹر  کا کہنا ہے کہ کورونا مثبت آنے کے بعد شاہد آفریدی گھر میں ہی قرنطینہ کریں گے ۔

انہوں نے بتایا کہ شاہد آفریدی سات روزہ آئسولیشن مکمل کریں گے، شاہد آفریدی  میں کورونا کی علامات ظاہر نہیں ہوئی ۔ وہ سات دن کے قرنطینہ اور منفی ٹیسٹ کے بعد ممکنہ طور پر دوبارہ اسکواڈ میں شامل ہو جائیں گے ۔ 

یاد رہے کہ گزشتہ روز شاہد آفریدی نے شدید کمر کی تکلیف کے باعث بائیو سیکیور ببل سے باہر جانے کی درخواست کی تھی ۔

خیال رہے کہ کوئٹہ گلیڈی ایٹرز اور پشاور زلمی کا پہلا میچ 28 جنوری کو شیڈول ہے جبکہ شاہد آفریدی کیریئر کا آخری پی ایس ایل ایونٹ کھیلنے کا اعلان کر چکے ہیں۔