اداکارہ ہاجرہ یامین کے والد انتقال کرگئے

تفصیلات کے مطابق پاکستانی شوبز انڈسٹری کی معروف اداکارہ  ہاجرہ یامین نے اپنے والد کے انتقال کی  خبر فوٹواینڈویڈیو شئیرنگ ایپ  انسٹاگرام  کی اسٹوری کے ذریعے دی ۔

انہوں نے قرآن شریف کی  یہ آیت شیئر کی "بے شک ہم اللہ کے لیے ہیں اور ہمیں اسی کی طرف لوٹنا ہے"۔ اداکارہ  نے مزید لکھا کہ یہ خبر اس وقت یہاں لکھنا بالکل آسان نہیں ہے ، میرے ابو اس دنیا سے چلے گئے ہیں، یہ وہ سنگین نقصان ہے جس سے ہم سب اس وقت گزر رہے ہیں ۔

ہاجرہ نے مداحوں سے ان کے مرحوم والد کی مغفرت اور گھروالوں کیلئے صبر  کی  دعا کی  بھی اپیل کی  ۔

واضح رہے کہ ہاجرہ یامین کئی مقبول پاکستانی ڈراموں میں اداکاری کے جوہر دکھا چکی ہیں ۔