عالمی شہرت یافتہ گلوکارہ شکیرا کی 45 ویں سالگرہ 

" واکا واکا گرل" شکیرا ازابیل 2  فروری 1977 کو کولمبیا میں پیدا ہوئیں ۔ ان کی والدہ کا تعلق  کولمبیا جبکہ والد  لبنان سے ہیں ۔ 13برس  کی عُمر میں  انہوں نے اپنا پہلا گانا  ریکارڈ کروایا۔ 90 کی دہائی میں شکیرا کا پہلا البم ریلیزہوا جسے بے حد پذیرائی حاصل ہوئی ۔

اُن کے ہسپانوی اور انگریزی زبان میں گائے ہوئے گانوں نے عالمی شہرت حاصل کی مگر فیفاورلڈ کپ 2010 کے گانے ’واکا واکا‘ سے انہیں  بے پناہ شہرت حاصل ہوئی  ۔ 

 گلوکارہ کو  ہالی ووڈ واک آف فیم میں بھی شامل کیا گیا ۔اُن کے مشہور   گائے ہوئے دیگر گانوں میں ’ہپس ڈونٹ لائے‘ اور’ بیوٹی فل لائر ‘شامل ہیں جس نے اُنہیں معروف ترین گلوکاراؤں کی صف میں شامل کردیا ۔ شکیرا کو آئی ایل او کی جانب سے سماجی بہبود کے کاموں میں حصہ لینے پر سوشل جسٹس ایوارڈ بھی دیا گیا ۔

اس کے علاوہ وہ  گریمی اور ایم ٹی وی میوزک سمیت متعدد ایوارڈز اپنے نام کرچکی ہیں ۔دلچسپ بات یہ ہے کہ گلوکارہ کے شوہر    معروف ہسپانوی فٹ بالر جیراڈ  پیکیو کی سالگرہ  بھی  اسی دن ہوتی ہے ۔

گلوکارہ کی سالگرہ کے موقع پر سوشل میڈیا پر ان کے مداحوں نے ان کے لئے نیک تمناؤں کا اظہار کیا ہے ۔