پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

عبدالسلام علی سے

ابوعلیحہ کی تحریر و ہدایت کاری میں بننے والی فلم ’’میرا لیاری‘‘، جس کی پروڈیوسر عائشہ عمر اور وقاص رضوی ہیں، نے بیلاروس کے شہر منسک میں منعقد ہونے والے معتبر بین الاقوامی فلم فیسٹیول ’’لسٹاپڈ‘‘ میں اسپیشل جیوری ایوارڈ اپنے نام کر لیا۔

حکومتِ سندھ کے تعاون سے بننے والی یہ فلم لیاری کی ایک نوجوان لڑکی کی متاثرکن کہانی بیان کرتی ہے، جو معاشرتی رکاوٹوں اور خاندانی مخالفت کے باوجود فٹبالر بننے کا خواب دیکھتی ہے۔

یہ اعزاز پاکستانی سنیما کے لیے ایک اور قابلِ فخر بین الاقوامی کامیابی ہے، جس نے عالمی سطح پر لیاری، سندھ اور پاکستان کا نام روشن کیا ہے۔