نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

عبدالسلام علی سے 

لالی وڈ کی نئی فلم عاشق رنگ رنگیلے سینما گھروں کی زینت بن گئی، ،  رنگا  رنگ پریمیئر شو میں کاسٹ اور دیگر شوبز شخصیات شریک ہوئیں،، کامیڈی اور رومانس سے بھرپور فلم کو شائقین کی جانب سے بے حد پسند کیا گیا۔

رومانس، سسپنس اور کامیڈی سے بھرپور نئی لالی وڈ فلم عاشق رنگ رنگیلے کا پریمیئرشو  لاہور کے نجی سینما میں منعقد ہوا جس میں فلم کی کاسٹ اور دیگر شوبز شخصیات شریک ہوئیں۔

فلم کی کاسٹ کا کہنا تھا کہ موجودہ دور میں فلم کو بنانا اور لگانا جدوجہد  سے بھرپور ہے،، فلم  میں شائقین کیلئے بھرپور تفریح میسر کی گئی ہے۔

جی این این نیوز کے اینکر پرسن حمزہ شفیق بھی فلم میں اہم کردار میں جلوہ ہو ئے، دیگر کاسٹ میں افتخار ٹھاکر،قیصر پیا، بشریٰ گلفام، ہنی شہزادی اور دیگر شامل ہیں۔