عتیق الرحمان آئے اور اپنی دلہن میرا کو ساتھ لے جائے، میرا کی والدہ کی پیشکش

سوشل میڈیا پر زیر گردش بیان میں اداکارہ کی والدہ شفقت بیگم کا کہنا ہے کہ عدالت نے عتیق الرحمٰن کو میرا کا شوہر قرار دے دیا ہے اور میں اس فیصلے کا احترام کرتی ہوں۔

انہوں نے کہا ہےکہ میں عتیق الرحمٰن سے کہنا چاہتی ہوں کہ وہ آئیں اور اپنی دُلہن میرا کو رخصت کرکے لے جائیں، شریعت کے قانون کے مطابق جو نان نفقہ بنتا ہے، وہ عتیق الرحمٰن ادا کریں۔

شفقت بیگم کا کہنا تھا کہ میں عتیق الرحمٰن اور میرا کی صلح کروانے کے حق میں ہوں۔

یاد رہے کہ دو روز قبل لاہور کی سیشن کورٹ نے اداکارہ میرا کو عتیق الرحمٰن کی بیوی قرار  دیا تھا اور اداکارہ کی تکذیب نکاح کی اپیل مسترد کر دی تھی۔