نور مقدم کیس میں مرکزی ملزم ظاہر جعفر کی تینوں درخواستیں خارج

تفصیلات کے مطابق  اسلام آباد ڈسٹرکٹ اینڈ سیشن کورٹ نے نور مقدم کیس میں مرکزی ملزم ظاہر جعفر کی تینوں درخواستیں خارج کردیں ۔ ایڈیشنل سیشن جج عطا ربانی نے محفوظ فیصلہ سنا دیا۔

آئی جی اسلام آباد کی جانب سے وضاحت جاری کرنے کے خلاف درخواست خارج  ،  تفتیشی افسر اور جائے وقوعہ کا وزٹ کرنے سے متعلق دوسری  درخواست بھی خارج ،  موبائل نمبر کی اونرشپ معلوم کرنے سے متعلق تیسری درخواست بھی خارج کردی گئی۔ آج فریقین کے دلائل کے بعد عدالت نے فیصلہ محفوظ کیا تھا۔

مدعی کی جانب سے وکیل نثار اصغر جبکہ ظاہر جعفر کی جانب سے اسٹیٹ کونسل شہریار خان نے دلائل دئیے،  پبلک پراسیکیوٹر حسن عباس نے بھی کیس میں دلائل دئیے تھے۔