بھکاری نہیں جو گانوں کے لیے ہدایتکاروں سے بھیک مانگوں:گلوکار سونونگم

بھارتی میڈیا کے مطابق بالی وڈ کے پلے بیک سنگرز میں شامل سونو نگم نے بھارتی میڈیا کو بتایا ہے  کہ وہ میوزک ڈائریکٹر کے کام کرنے کے طریقوں سے متفق نہیں ہیں اور  ایسے پراجیکٹس کو ترجیح نہیں دیتے جہاں انہیں آڈیشن کے لیے بلوایا جائے۔

سونو نگم کا کہنا تھا کہ وہ ایسے پراجیکٹس کا حصہ نہیں بنتے جہاں ایک ہی گانے کو کئی گلوکار ریکارڈ کرواتے ہیں اور انتخاب، پروڈیوسر ، اسٹار اور میوزک ڈائریکٹر پر چھوڑدیا جاتاہے۔

یاد رہے کہ سونو نگم کافی عرصے تک بالی ووڈ کی فلمی دنیا سے دور رہے، اس دوران انہوں نے ایک بھی گانا ریکارڈ نہیں کروایا تاہم اب ان کی دوبارہ واپسی بالی ووڈ سپر اسٹار عامر خان اور کرینہ کپور کی آئندہ آنے والی فلم لال سنگھ چڈھا میں ہوئی ہے جس کے لیے انہوں نےگانا گایا ہے۔