تعلیمی اداروں کے طلباء کو منشیات فراہم کرنے والے عناصر کیخلاف اے این ایف کی کارروائی

تفصیلات کے مطابق  تعلیمی اداروں کے طلباء کو منشیات فراہم کرنے والے عناصر کیخلاف اے این ایف نے کارروائی کی ہے، کامسیٹس یونیورسٹی اسلام آباد کے قریب سے 2 ملزمان گرفتار کرلیے گئے ہیں ،  ملزمان کے قبضے سے 257 گرام آئس برآمد ہوئی ہے۔

ای این ایف کے مطابق  ملزمان منشیات فروخت کرنے کے لئے سوشل میڈیااور خاص طور پر  فیس بُک کا استعمال کرتے تھے،  گرفتار ملزمان طلباء سے ایزی پیسہ کے ذریعے رقم منگوا کر بائیکیا کے ذریعے منشیات پہنچاتے تھے،  گرفتار ملزمان کے خلاف انسدادِ منشیات ایکٹ کے تحت مقدمہ درج کر لیا گیا ہے جبکہ مزید تفتیش جاری ہے۔