پی ٹی آئی کے ممبرزدوسری جماعتوں سےرابطےکررہےہیں، مریم نوازکا دعوی

مسلم لیگ ن کی نائب صدر مریم نواز نے پریس کانفرنس  کرتے ہوئے کہا کہ  آج ہماری پیشی تھی اور ہم پیش ہوئے، سچ کو ایک دن سامنے آناہوتاہے۔ مریم نوازنے وزیراعظم عمران خان کو ہیلمٹ پہننےکامشورہ دے دیا۔

مریم نواز نے کہا کہ  اگرآپ عوام میں جائیں توہیلمٹ لےجانانہ بھولیں، عوام میں جاتے ہوئےہیلمٹ ساتھ ضرور لےکرجائیں، عمران خان کی پارٹی میں کوئی نظریہ نہیں۔

لیگی رہنما کا کہنا تھا کہ  اسلام آبادہائیکورٹ کےفیصلےکاانتظارکروں گی ،  نیب کےپاس آج عدالت میں کوئی جواب نہیں تھا، اپوزیشن نے عوام کی آوازپرلبیک  نہ کہا تو حکومت کیساتھ اپوزیشن بھی قصوروارہوگی، عوام کے ہاتھ آپ کے گریبان تک پہنچ چکے،اپنی خیرمنائیں۔

مریم نواز نے مزید کہا کہ  عمران خان کی کشتی ڈامہ ڈول ہے، یہ ڈوبتی کشتی کو بچانےکی چیخیں ہیں، چیخیں اس لیے ہیں کہ  ان کے ایم این ایز،ایم پی ایزکشتی سے چھلانگ لگانےکوتیارہیں، یہ ملک اور قوم مزید تباہی کی متحمل نہیں ہوسکتی۔مریم نواز نے پیشگوئی کی ہے کہ  پی ٹی آئی کے ممبرزدوسری جماعتوں سے رابطےکررہےہیں۔