حکومت سندھ کا اساتذہ کو لائسنس جاری کرنے کا فیصلہ

تفصیلات کے مطابق محکمہ تعلیم سندھ کا اساتذہ کیلئےبڑا  فیصلہ سامنے آگیا،   وزیر تعلیم سندھ سردار شاہ  نے  اساتذہ کو لائسنس جاری کرنے کا اعلان کردیا۔وزیر تعلیم سندھ نے مزید کہا کہ  لائسنس کے اجراء کے لیے باقاعدہ اتھارٹی قائم کی جائے گی اور اتھارٹی کا سربراہ گریڈ 20 کا افسر ہوگا۔

اس کے علاوہ ان کا کہنا تھا کہ  اتھارٹی کے لیے باقاعدہ قانون سازی  کا آغاز کردیا گیا ہے جبکہ  لائسنس کے اجرا کیلئے بل اگلے چند ماہ میں  سندھ اسمبلی سے پاس  کرایا جائے گا۔لائسنس کے اجرا کا مقصد  شعبہ تدریس میں بہتری  ہے۔تعلیمی اداروں میں صرف لائسنس یافتہ اساتذہ ہی فرائض انجام دیں گے۔جیسا کہ  دیگر شعبوں  میں جیسے ڈاکٹر اور وکلا کو  لائسنس جاری کیا جاتا ہے۔

وزیر تعلیم سندھ نے اپنی بات کے اختتام میں بتایا کہ لائسنس سندھ ٹیچرز ٹریننگ اتھارٹی جاری کرے گی۔