لاہور : کینال روڈ پر خوفناک ٹریفک  حادثہ ،2 افراد جاں بحق 

جی این این  کے مطابق  افسوسناک حادثہ تیزرفتاری کے باعث  پیش آیاجہاں  گاڑی بے قابو ہو کر   درخت سے ٹکرا گئی۔ جس کے  نتیجے میں دو افراد  جاں بحق ہو  گئے جبکہ 9 زخمی ہوئے ہیں  ۔

جاں بحق ہونیوالوں میں 50سالہ رانی بی بی اور 24 سالہ ذیشان شامل ہیں جبکہ زخمیوں کی شناخت نازیہ، ارم ،  ابراہیم ، آنیہ ، حبا ، شہزاد اور احمد کے نام سے ہوئی ہے ۔زخمیوں میں سے 2 افراد کی حالت تشویشناک ہے ۔ 

حادثے کی اطلاع ملتے ہی ریسکیو اور پولیس  موقع پر پہنچ گئیں اور زخمیوں کو ہسپتال منتقل کر دیا گیا۔