اپوزیشن نے سیاست کو ونڈو شاپنگ سمجھ لیا ہے:حسان خاور

پنجاب حکومت کے ترجمان حسان خاور کا کہنا ہے کہ اپوزیشن نے سیاست کو ونڈو شاپنگ سمجھ لیا ہے، یہ لوگ ونڈو شاپنگ کرکے گھر جائیں گے، انہیں سیاست کرتے ہوئے پہلے عوام کا سوچنا چاہیے۔

لاہور میں میڈیا سے گفتگو کرتے ہوئے حسان خاور نے کہا کہ صحت کارڈ حکومت کا انقلابی قدم ہے، 4 سو ارب روپے کی رقم صحت کارڈ کے لیے دی ہے۔

انہوں نے کہا کہ لوگوں کو پہلے علاج کے لیے دشواری کا سامنا کرنا پڑتا تھا، پنجاب میں سات لاکھ 30 ہزار لوگ اپنی رجسٹریشن کراچکے ہیں، صوبے کے 593 اسپتال صحت کارڈ سے منسلک ہوچکے ہیں۔ 
 
ان کا مزید کہنا تھا کہ حکومت کا صحت انشورنس پروگرام دنیا کا بہترین منصوبہ ہے، ملک میں کوالٹی ہیلتھ سروس عام شہریوں کی پہنچ سے باہر تھیں۔

حسان خاور کا یہ بھی کہنا تھا کہ آؤٹ ڈور سروسز پہلے کی طرح جاری ہیں، پنجاب میں اسپتالوں کی تعداد میں اضافہ کیا جارہا ہے، اسلام آباد میں پائلٹ پراجیکٹ کے طور پر او پی ڈی سروس شروع کررہے ہیں۔