اتحادی ہمارے ساتھ ہیں کہیں نہیں جا رہے، وزیراعظم 

ذرائع کے مطابق  وزیراعظم کی زیر صدارت سینٹرل ایگزیکٹو کمیٹی اجلاس کی اندرونی کہانی سامنے آگئی ہے، اجلاس میں بلدیاتی انتخابات، اور سیاسی حکمت عملی پر غور کیا گیا۔وزیر اعظم نے کہا کہ اتحادی ہمارے ساتھ ہیں کہیں نہیں جا رہے۔وزیر اعظم نے ہدایت کی کہ  اپوزیشن کے بیانیے کا مقابلہ کارکردگی سے کریں۔

 وزیراعظم نے کہا کہ  ڈیمز، ہیلتھ کارڈ، احساس اور کامیاب جوان پروگرام کی کامیابیوں پر بات کریں،  فلاحی منصوبوں سے متعلق حکومتی اقدامات کو عوامی سطح پر اجاگر کریں۔

وزیراعظم نے ذاتی حملوں پر مشتمل مخصوص مہم پر سخت اظہار ناراضگی کیا،  ذاتی حملوں پر مشتمل مہم گھٹیا اور نا قابل برداشت ہے، مادر پدر آزادی خطرناک ہے، ایسے رجحان کی حوصلہ شکنی کرنا ہو گی۔