صدر مملکت ڈاکٹر عارف علوی سے آرمی چیف کی ملاقات، قومی سلامتی ، علاقائی صورتحال پر تبادلہ خیال

تفصیلات کے مطابق  صدر عارف علوی سے چیف آف آرمی اسٹاف ، جنرل قمر جاوید باجوہ، کی ملاقات ہوئی ہے،  ملاقات میں قومی سلامتی اور علاقائی صورتحال پر تبادلہ خیال کیا گیا۔

آرمی چیف نے صدر مملکت کو سیکورٹی فورسز کی پیشہ ورانہ تیاری ، دہشت گرد عناصر کے خلاف اقدامات پر بریفنگ دی۔ آرمی چیف نے ملک سے  متشددعناصر کے خاتمے کے عزم کا اعادہ کیا۔

صدر مملکت عارف علوی نے  بلوچستان ، خیبر پختونخواہ کے نو ضم شدہ اضلاع میں آپریشنز میں جان کا نذرانہ پیش کرنے والوں کو خراج عقیدت پیش کیا۔

صدر مملکت ڈاکٹر عارف علوی نے کہا کہ  قوم کو اپنی مسلح افواج کی قربانیوں پر فخر ہے ، مسلح افواج نے تمام مشکلات کے باوجود ملکی سرحدوں کا دفاع کیا۔