سیکیورٹی فورسز کی بلوچستان میں کارروائیاں ، اہم ہشتگرد ہلاک ، 2 گرفتار

آئی ایس پی آر کے مطابق  12/13 فروری 2022 کی رات، بلوچستان کے پسنی میں ایک خفیہ ٹھکانے میں دہشت گردوں کی موجودگی کی اطلاع کی بنیاد پر، سیکیورٹی فورسز نے بلوچستان میں امن کے بیرونی سپانسر شدہ دشمنوں کو پکڑنے کے لیے آپریشن کیا۔

ایک بار جب فوجیوں نے علاقے کو گھیرے میں لینا شروع کیا تو دہشت گردوں نے اپنے ٹھکانے سے بھاگنے کی کوشش کی اور اندھا دھند فائرنگ شروع کردی۔ شدید فائرنگ کا تبادلہ ہوا۔

آئی ایس پی آر کا کہنا ہے کہ اس کارروائی میں دہشت گرد کمانڈر ہدایت عرف بالاچ مارا گیا۔ وہ گوادر اور پسنی کے علاقوں میں سیکیورٹی فورسز پر فائرنگ اور آئی ای ڈی حملوں میں ملوث تھا۔ اس کے علاوہ اسلحہ اور گولہ بارود کا بڑا ذخیرہ بھی برآمد کیا گیا۔

دوسری جانب  ضلع خضدار میں انٹیلی جنس پر مبنی ایک اور آپریشن میں سیکیورٹی فورسز نے دو دہشت گردوں نیاز اور محمد جان کو 2 ایکس ایس ایم جیز اور بڑی مقدار میں گولہ بارود سمیت گرفتار کر لیا۔

ترجمان پاک فوج کا کہنا ہے کہ  پاکستان میں دہشت گردی کی کارروائیوں کے مرتکب عناصر کے خاتمے کے لیے کارروائیاں جاری رہیں گی اور انہیں بلوچستان کے امن، استحکام اور ترقی کو سبوتاژ کرنے کی اجازت نہیں دی جائے گی۔