وزیراعظم نے پٹرولیم مصنوعات  کی قیمتوں میں اضافے  کی اوگر اکی سمری مسترد کردی، ذرائع

ذرائع کا کہنا ہے کہ  وزیراعظم عمران خان نے  پٹرولیم مصنوعات کی قیمتوں  میں اوگرا سمری کے مطابق اضافے کی منظوری دینے سے انکار کردیا۔ وزیراعظم نے قیمتوں میں اضافے پر نظرثانی کیلئے سمری واپس بھجوادی۔

وزیر اعظم عمران خان نے کہا کہ  پٹرول مصنوعات کی قیمتوں میں اتنا زیادہ اضافہ نہیں کرسکتے ،  قیمتوں سے متعلق نئی سمری تیار کرکے بھجوائی جائے ۔

خیال رہے کہ  پیٹرول کی قیمت مں 12 روپے 3 پیسے فی لٹر اضافہ تجویز کیا گیا تھا،  مٹی کے تیل کی قیمت میں 10 روپے 8 پیسے جبکہ ہائی سپیڈ ڈیزل کی قیمت میں 9روپے 53 پیسے اضافہ تجویز کیا گیا تھا جبکہ  لائٹ ڈیزل کی قیمت میں 9 روپے 43 پیسے فی لٹر اضافہ تجویز کیا گیا تھا۔