سینئرصحافی محسن بیگ کوگرفتار کرلیا گیا

تفصیلات کے مطابق  ترجمان اسلام آباد پولیس کا کہنا ہے  کہ ایف آئی اے کی ٹیم محسن بیگ کی گرفتاری کے لئے ان کے گھر گئی تو شدید مزاحمت کا سامنا کرنا پڑا ، ملزم نے اہلکاروں پر پستول تانا اور فائرنگ کی جس سے ایف آئی اے اہلکار زخمی ہوگیا ۔

ترجمان اسلام آباد پولیس کے مطابق محسن بیگ کو پولیس اسٹیشن منتقل کر دیا گیا ہے ، مزید قانونی کارروائی جاری ہے ۔  تھانہ مارگلہ پولیس نے عدالتی بیلف کو رپورٹ مہیا کر دی ۔

محسن بیگ کے خلاف دہشتگردی، اقدام قتل ، حبس بے جا سمیت دیگر دفعات کے تحت مقدمہ درج کیا گیا  ہے۔

اس حوالے سے جی این این سے خصوصی گفتگو کرتے ہوئے معاون خصوصی برائے سیاسی روابط شہباز گل کا کہنا تھا  کہ پاکستان تحریک انصاف نے ایک درخواست ایف آئی اے  میں جمع کروائی  تھیں وہ تمام مغلظات جو انہوں نے  نیشنل ٹی وی پر آکر  فرمائیں تھیں۔  اسی سلسلے  میں  درخواست کے جواب میں جب ایف آئی اے نے محسن بیگ کے گھر کارروائی کی تو بدقسمتی سے ایف آئی اے کی ٹیم کو مزاحمت کا سامنا کرنا پڑا،  انہیں یرغمال بنایا گیا ،مار پیٹ کی گئی ۔ 

شہباز گل کا کہنا تھا کہ ایک بات طے ہے کہ جو بھی شخص حکومت یا کسی کے بھی بارے میں مغلظات بکتا ہے تو  اس شہری کے پاس یہ  قانونی حق ہے کہ وہ عدالت اور قانون نافذ کر نیوالے اداروں کا درواہ کھٹکھٹائے ۔ 

صحافی محسن بیگ کی گرفتاری کے دوران ایف آئی اے کی ٹیم کیساتھ مزاحمت، ملزم نے فائرنگ کردی#GNN #GNNUpdates pic.twitter.com/AKOYEyrWqj

— GNN (@gnnhdofficial) February 16, 2022