گوجرانوالہ : ٹرک نے موٹرسائیکل سواروں کو کچل ڈالا،2 نوجوان جاں بحق 

جی این این کے مطابق افسوس ناک  حادثہ جی ٹی روڈ پر پیش آیا ، جہاں تیز رفتار ٹرک نے موٹر سائیکل سواروں کو کچل ڈالا، جس کے نتیجے میں 2 موٹرسائیکل سوار نوجوان جاں بحق جبکہ  ایک  شدید زخمی ہوگیا۔ 

حادثے کی اطلاع ملتے ہی ریسکیو ٹیمیں موقع پر پہنچ گئیں اور لاشوں اور زخمی کو اسپتال منتقل کر دیا گیا ہے ۔ ریسکیو کے مطابق جاں بحق ہونے والوں میں 25 سالہ وقاص اور 28 سالہ سجاد شامل ہیں۔