پاکستان یورپی یونین ممالک  سے تعلقات کوخصوصی اہمیت دیتا ہے : آرمی چیف 

پاک فوج کے شعبہ تعلقات عامہ ( آئی ایس پی آر ) کے مطابق   آرمی چیف جنرل قمرجاویدباجوہ  نے بیلجیم کا سرکاری دورہ کیا  جہاں انہوں نے برسلز میں یورپی یونین ملٹری کمیٹی کے چیئرمین جنرل کلاڈیو اور سیکرٹری جنرل یورپین ایکسٹرنل ایکشن سروسز سٹیفانو سانینو سے ملاقات کی۔

آئی ایس پی آر  کے مطابق ملاقاتوں  میں باہمی دلچسپی کے امور، افغانستان سمیت علاقائی  سکیورٹی صورتحال پر تبادلہ خیال ہوا ، جبکہ   یورپی یونین کے ساتھ باہمی تعلقات سے متعلق امور پر بھی گفتگو کی گئی ۔ 

اس موقع پر آرمی چیف نے کہا کہ پاکستان یورپی یونین  کےملکوں سےتعلقات کوخصوصی اہمیت دیتا ہے ،  پاکستان یورپی یونین کے ساتھ مشترکہ مفادات کی بنیاد پر باہمی تعاون بڑھانے کا خواہاں ہے۔

آئی ایس پی آر کے مطابق یورپی یونین حکام نے خطے میں امن و استحکام کیلئے پاکستان کی مخلصانہ کوششوں کو سراہا۔