اے این ایف کی پشاور میں کارروائی ، کار سے 33  کلوگرام منشیات برآمد، 2 ملزمان گرفتار

ترجمان اینٹی نارکوٹکس  فورس (اے این ایف) کا کہنا ہے کہ  اے این ایف  نے  خفیہ اطلاع پر  پشاور میں  کارروائی  کے دوران  پشاور،موٹروے برج، رنگ روڈ پر واقع بی ای پٹرولیم کے قریب دورانِ تلاشی کار سے 33.3 کلوگرام منشیات برآمد کر لی ہیں ،  برآمدشدہ منشیات میں 26.1 کلوگرام ہیروئن،6 کلوگرام چرس اور 1.2کلوگرام افیون شامل ہے۔

ترجمان اے این ایف کا کہنا ہے کہ  برآمدشدہ منشیات گاڑی میں بنائے گئے خفیہ خانوں میں مہارت سے چھپائی گئی تھی، دورانِ کارروائی کار میں سوار خواجہ یاور اور فیصل نامی 2 ملزمان کو گرفتار کر لیا گیا۔ ملزمان کے خلاف انسداد منشیات ایکٹ کے تحت مقدمہ درج  کر کے مزید تفتیش شروع کردی ہے۔