پٹرول اور ڈیزل کی فی لٹر قیمت میں 10،10 روپے کی کمی ، نوٹیفکیشن جاری

تفصیلات کے مطابق  پٹرولیم مصنوعات کی قیمتوں میں دس روپے کمی کا نوٹیفکیشن جاری کردیا گیا ہے۔نوٹیفکیشن کے مطابق  پٹرول اور ڈیزل کی فی لٹر قیمت میں 10-10 روپے کی کمی کردی گئی ہے ، مٹی کے تیل کی قیمت میں 1 روپے اور لائٹ ڈیزل آئل کی قیمت میں 5 روپے 66 پیسے کی کمی  کی گئی ہے۔

جس کے بعد  پٹرول کی نئی قیمت 149 روپے 86 پیسے ، جبکہ  ڈیزل کی نئی قیمت 144 روپے 15 پیسے ہوگئی ہے۔ مٹی کے تیل کی فی لٹر قیمت 125 روپے 56 پیسے اور لائٹ ڈیزل آئل کی قیمت 118 روپے 31 پیسے فی لٹر مقرر کردی گئی ہے۔

نوٹیفکیشن کے مطابق  قیمتوں کا اطلاق آج رات بارہ بجے سے ہوگا ۔