سب نکمے ٹرک پرچڑھ گئے توسندھ کوکون چلارہاہے؟:علی زیدی

وفاقی وزیر علی زیدی نے  تحریک انصاف سندھ حقوق مارچ سے خطاب کرتے ہوئے کہا ہے کہ 2023 میں بلا تیرکوتوڑکرسندھ کوجوڑے گا۔

انہوں نے کہا ہےکہ ایان علی کوگرفتارکرنے والے کسٹم افسرکوشہید کردیا گیا، سندھ کےعوام کا صبرجواب دے گیا، زرداری مافیا کے خلاف بغاوت کاعلم بلند کرنا ہے۔

 علی زیدی کا کہنا تھا کہ مارچ کے دوران سندھ میں مظلومیت اورغربت دیکھی، پیپلزپارٹی نےعوام کوچوری اورکرپشن کا ٹیکہ لگایا، ناظم جوکھیوکےقتل پر بلاول انکے لواحقین کے پاس نہیں گئے۔

وفاقی وزیر نے کہا ہے کہ سندھ کے اسپتالوں کی حالت ابترہے، سندھ کے اسپتالوں میں بلاول ہاؤس کے جانوربھی علاج نہ کرائیں، ہم نے کسی جگہ دکانیں بند نہیں کرائیں۔

ان کا مزید کہنا تھا کہ آصف علی زرداری نے اپنے بیٹے کولانگ مارچ پربھیج دیا، سندھ حکومت لانگ مارچ نہیں رانگ مارچ پرنکل گئی، ہم پیپلزپارٹی کی طرح نکمےاورنااہل نہیں۔