شور کوٹ: حویلی لنک کینال میں تیزرفتار پک اپ گرگئی ، 5 افراد جاں بحق 

جی این این کے مطابق تیزرفتار پک اپ لنک کینال میں  گر گئی ، پک اپ  میں خواتین اور بچوں سمیت7افراد سوار تھے ۔ ڈوبنے  والوں میں  5 افراد جاں بحق ہو گئے جبکہ 2  افراد کو زندہ نکال لیا گیا ۔  ریسکیو کے مطابق  جاں بحق افراد میں 3بچے اور 2خواتین شامل  ہیں۔

ریسکیو  حکام کا کہنا ہے کہ  پک اپ میں سوار افراد ہڑپہ ساہیوال  کے رہائشی تھے جو ضلع  لیہ شادی میں جارہے تھے۔ 

وزیر اعلی پنجاب سردار عثمان بزدار  نے  گاڑی نہر میں گرنے کے باعث قیمتی انسانی جانوں کے ضیاع پر اظہار افسوس  کیا ہے ۔ وزیر اعلی عثمان بزدار نے  جاں بحق افراد کے لواحقین سے دلی ہمدردی و اظہار تعزیت کرتے ہوئے کمشنر فیصل آباد ڈویژن  سے رپورٹ طلب کر لی ۔