سسٹم کو پاؤں کی جوتی سمجھنے والوں نے اداروں کو کھوکھلا کیا: ڈاکٹر شہباز گل

تفصیلات کے مطابق معاون خصوصی برائے سیاسی ابلاغ ڈاکٹر شہباز گل کا شاہد خاقان عباسی کے بیان پر ردعمل دیتے ہوئے کہا کہ نااہل لیگ کی جانب سے اداروں کے خلاف ہرزہ سرائی کوئی نئی بات نہیں، سسٹم کو پاؤں کی جوتی سمجھنے والوں نے اداروں کو ذاتی مفادات کیلئے کھوکھلا کیا، باریاں لگا کر لوٹنے والوں نے اداروں کو اپاہج بنایا ہے۔

ڈاکٹر شہباز گل کا کہنا تھا کہ اپوزیشن کو فون پر فیصلے والے جج اور گونگے بہرے ادارے چاہیے،عمران خان نے آتے ہی ادارے سیاسی عمل داری سے آزاد اور خودمختار کیے۔میاں صاحب نااہل ہونے کے بعد جعلی انقلابی ہوئے تو اداروں پر بہتان باندھنے لگے۔

ڈاکٹر شہباز گل نے مزید کہا کہ کیلبری کوئین نے بھی حسبِ توفیق جی بھر کے ملکی اداروں کے خلاف زہر اگلا، عوام سے ریجیکٹڈ جب سینیٹ میں بھی ہارے تو انکے چیلے ٹی وی پر بیٹھ کر ملک توڑنے کی باتیں کرنے لگے۔نااہل لیگ کی اعلیٰ قیادت کی خاموشی بتاتی ہے کہ درباریوں کو انکا آشیرباد حاصل ہے۔