چیئرمین سینیٹ الیکشن ، پرزائیڈنگ افسر نے تمام ملبہ اپوزیشن ارکان پر ڈال دیا

پریزائیڈنگ افسر سید مظفر حسین شاہ کے اہم انکشافات، پریزائیڈنگ افسر نے تمام ملبہ اپوزیشن ارکان پر ڈال دیا۔مظفرحسین شاہ نے اپوزیشن کے الزامات کو مسترد کردیا۔مظفر حسین شاہ کا کہنا ہے کہ  پارلیمان کی کارروائی عدالت میں چیلنج نہیں ہو سکتی۔

 مظفرحسین شاہ نے دعوی کیا ہے کہ  پی ڈی ایم کے سات ارکان نے جان بوجھ کر سات ووٹ ضائع کئے ہیں،  سات کے سات بیلٹ پیپر پر ایک ہی طرز پر اسٹیمپ لگے ہوئے تھے، حفیظ شیخ اور سندھ میں صدرالدین شاہ راشدی کے ووٹ اسی بنیاد پر مسترد کئے گئے تھے،سات ووٹ کی چوری اپوزیشن کے اپنے گھر میں سے ہوئی ہے۔

 مظفر حسین شاہ نے کہا کہ  اب اپوزیشن خود تحقیقات کرے کہ وہ چوری کن ارکان نے کی ہے، میرے اوپر تنقید بلاوجہ ہے، ماضی میں صدر نے اسحاق ڈار اور سردار یعقوب ناصر کو بھی پریزائیڈنگ افسر مقرر کیا تھا، اپوزیشن کو تفصیلی سن کر اپنا فیصلہ دیا۔

واضح رہے کہ  گزشتہ روز حکومت کے نامزدامیدوار صادق سنجرانی  نے 48 ووٹ حاصل کر کے سینیٹ چیئرمین کا تاج اپنے نام کر لیا تھا۔پاکستان ڈیموکریٹک موومنٹ (پی ڈی ایم) کے رہنما یوسف رضا گیلانی 42 ووٹوں کے ساتھ شکست کا سامنہ کرنا پڑا جبکہ پریزائیڈنگ افسر مظفر حسین شاہ نے  8 ووٹ مسترد ہوئے ۔8  ووٹرز  نے یوسف رضا گیلانی کے نام کے اوپر مہر لگائی جس کی وجہ سے ووٹ مسترد ہوئے جبکہ دوسری جانب اپوزیشن نے مسترد ووٹ عدالت میں چیلنج کرنے کا اعلان کر رکھا۔