گوگل  کا ڈوڈل خواتین کے نام 

خواتین کے عالمی دن پر سرچ انجن گوگل کے بھی رنگ بدل گئے اور گوگل نے اپنا ڈوڈل خواتین کے نام کردیا۔

انٹرنیٹ کے سب سے بڑے سرچ انجن گوگل پر ہر خاص دن  پر تخلیقی ڈوڈلز منسوب کرتا ہے اور حسب روایت، خواتین کے عالمی دن کے موقع پر بھی گوگل نے ایک منفرد ڈوڈل تشکیل دیا ہے۔

گوگل نے ڈوڈل کو ویڈیو کی صورت میں پیش کیا ہے جس میں ہر شعبے میں اپنی صلاحیتوں کا لوہا منوانے والی خواتین کو  بے حد خوبصورتی سے خراج تحسین پیش کیا  گیا ہے۔

خیال رہے کہ اس سال  عالمی یوم خواتین ’صنفی مساوات آج ، پائیدار کل ‘ کے عنوان سے منایا جارہا ہے۔ اس دن کے منانے کا مقصد صنفی امتیاز کے خلاف آگاہی پیدا کرنا اور مساوات کیلئے اقدامات کرنا ہے۔