حکومت کا یوٹیلیٹی اسٹورز کا نیا ایم ڈی تعینات کرنے کا فیصلہ

تفصیلات کے مطابق  وفاقی حکومت نے یوٹیلیٹی اسٹورز کا نیا ایم ڈی تعینات کرنے کا فیصلہ  کرلیا، وفاقی کابینہ کی منظوری کے بعد نئے ایم ڈی کی تعیناتی کا باقاعدہ عمل شروع ہوگا، موجودہ ایم ڈی کی 2 سالہ مدت اس سال مئی میں پوری ہوجائے گی۔

جی این این کے مطابق  نئے ایم ڈی کی تعیناتی مسابقتی عمل کے ذریعے کی جائے گی ،   ایم ڈی یوٹیلیٹی اسٹورز کارپوریشن کیلئے 30 مارچ تک درخواستیں طلب کر لی گئیں ہیں۔ایم ڈی کیلئے عمر کی بالائی حد کی شرط 62 سال مقرر کی گئی ہے۔ تعلیمی قابلیت کیلئے مینجمنٹ یا بزنس ایڈمنسٹریشن میں ماسٹر ڈگری کی شرط مقرر کی گئی ہے۔ریٹیل، ڈسٹری بیوشن، سپلائی چین میں بطور سینئر لیڈر 10 تا 15 سال تجربے کی شرط مقرر کی گئی ہے۔ایم ڈی کی تعیناتی 3 سال کیلئے کی جائے گی اور توسیع بھی ہوسکے گی۔حکومت کے پاس موجودہ ایم ڈی کی مدت میں توسیع کا آپشن بھی موجود ہے۔

واضح رہے کہ عمر لودھی کو مئی 2019 میں ایم ڈی یوٹیلیٹی اسٹورز تعینات کیا گیا تھا۔عمر لودھی کی بطور ایم ڈی تعیناتی 2 سال کیلئے کی گئی تھی۔