ہم اداروں پر تنقید کرتے تھے اس حکومت نے تو حملہ کردیا،مریم نواز

مسلم لیگ ن کی رہنما مریم نواز نے پریس کانفرنس میں کہا کہ   پی ڈی ایم سربراہی اجلاس کے سلسلے میں ہمارا آج پارٹی اجلاس تھا۔ پی ٹی آئی کو الیکشنز میں ووٹ نہیں ملے جسکی وجہ سے یہ الیکشن کمیشن سے بدلہ لے رہے ہیں، عوام نے عمران خان کو ریجیکٹ کیا گیا، ڈسکہ الیکشنز میں ہوائی فائرنگ کرکے خوف پھیلایا گیا، انکے ووٹ پورے نہیں ہوئے انہوں نے پریذائیڈنگ افسر14گھنٹے کیلئے اغوا کرلیے۔

مریم نواز نے کہا کہ  ہم اداروں پر تنقید کرتے تھے اس حکومت نے تو حملہ کردیا، استعفوں پر ہمارا بات چیت جاری ہے فیصلہ کل پی ڈی ایم کے اجلاس میں ہوگا، پی ڈی ایم کے کل کے اجلاس کے بعد واضح ہوجائے گا کہ کونسی جماعت کہاں کھڑی ہے، ہم سب کی ذمہ داری ہے کہ پاکستان کی بہتری کیلئے کام کریں۔

لیگی رہنما  مریم نواز نے پریس کانفرنس میں کہا کہ  سنا تھا نیب احتساب کا ادارہ ہے لیکن یہاں نیب سیاسی انجیئرنگ کیلئے استعمال ہوتا رہا، اب نیب سیاسی لوگوں کے بیانات کو بھی جانچے گا۔ میں بڑے بڑے جلسے کررہی تھی جسکی وجہ سے مجھے والد کے سامنے سے ہی گرفتار کرلیا تھا، نیب نے میرے فارغ ہونے کا انتظار کیا، کب سے نیب کو اتنا میرا خیال آگیا؟نیب نے میرے فارغ ہونے کا انتظار کیا۔