کرائسٹ چرچ کی مساجد میں قتل عام کو دو سال مکمل

تفصیلات کے مطابق  پندرہ مارچ 2019  نیوزی لینڈ کی تاریخ کا سیاہ ترین دن ثابت ہوا جب  سفید فام دہشت گردنے کے ہاتھوں 51 مسلمانوں کو شہید کردیاگیا،دوسال مکمل ہونےپروزیراعظم  نےمتاثرین سےاظہارہمدردی کیا۔

کرائسٹ چرچ کےبوٹینکل گارڈن میں امن کی گھنٹیاں بجائی گئیں،اس موقع پرخطاب کرتےہوئےوزیر اعظم جیسنڈ آ رڈرن نسل پرستی کےخلاف پھٹ  پڑیں،کہتی ہیں دنیا میں نسل پرستی اور سفید فام  بالادستی  پربات کرنےکی ضرورت ہے ، ہر عالمی رہنما پر ذمہ داری عائد ہوتی ہے کہ اس پربات کرے،انہوں نےکمیونٹی گروپس کے لئے رسپانس فنڈ قائم کرنےکااعلان بھی کیا۔

خیال رہے کہ  15 مارچ 2019 کو کرائسٹ چرچ کی دو مساجد پر حملے میں 51 نمازی شہید اور درجنوں زخمی ہوئے تھے۔اس دوران دہشت گرد اس حملے کی ویڈیو اپنے ہیلمٹ پر لگے کیمرے سے سوشل میڈیا پر لائیو ٹیلی کاسٹ کرتا رہا۔ان حملوں کے وقت بنگلا دیش کی کرکٹ ٹیم بھی کرائسٹ چرچ میں موجود تھی جو اس حملے میں محفوظ رہی تاہم حملوں میں 9 پاکستانی شہری جاں بحق ہوئے تھے۔