دورہ جنوبی افریقہ، پاکستان کرکٹ ٹیم کی پہلی کورونا وائرس ٹیسٹنگ مکمل

تفصیلات کے مطابق  دورہ جنوبی افریقہ کیلئے  قومی ٹی ٹونٹی اور ون ڈے اسکواڈ  کی  پہلی کورونا وائرس ٹیسٹنگ مکمل ہوگئی ۔ اسکواڈ میں شامل تمام افراد کی اپنے اپنے شہروں میں کورونا ٹیسٹنگ ہوئی ہے۔ لاہور کے کھلاڑیوں اور مینجمنٹ اسٹاف کے نیشنل ہائی پرفارمنس سنٹر میں کورونا ٹیسٹ ہوئے۔

جی این این کے مطابق  کپتان بابراعظم ، محمد حفیظ ، عثمان قادر سمیت کا ٹیسٹ این ایچ پی سی میں ٹیسٹ ہوا۔کورونا وائرس ٹیسٹ منفی آنے والے افراد اٹھارہ مارچ کو لاہور کے نجی ہوٹل میں جمع ہوں گے۔پنجاب حکومت سے اجازت ملنے کے بعد قومی وائیٹ بال ٹیم کا کیمپ 19 مارچ سے شروع ہوگا۔

واضح رہے کہ   پاکستان کرکٹ بورڈ (پی سی بی ) نے ہیڈ کوارٹرز میں کورونا وائرس کی انٹری کے باعث پی سی بی کا ہائی پرفارمنس کیمپ ختم کرنے کا فیصلہ کیا تھا ۔  پی سی بی نے تمام اسٹاف کے کوویڈ 19 ٹیسٹ کرانے کا بھی فیصلہ کیا تھا ، جبکہ  پی سی بی دفاتر تین روز کے لئے بند کئے گئے تھے۔

خیال ہے کہ  4 مارچ کو  پاکستان کرکٹ بورڈ نے ایچ بی ایل پاکستان سپر لیگ 6 کو فوری طور پر ملتوی کرنے کا اعلان کیا تھا۔ پی ایس ایل ملتوی کرنے کا فیصلہ  کورونا کیسز سامنے آنے کے بعد کیا گیا تھا۔