اپوزیشن کا لانگ مارچ عوام کے لیے نہیں بلکہ اپنی چوری بچانے کے لیے ہے: وزیر اعظم

تفصیلات کے مطابق وفاقی حکومت کا کابینہ اجلاس  طے پایا،  اجلاس میں الیکشن کمیشن اور پی ڈی ایم پر کڑی تنقید کی گئی،جس میں وزیراعظم  عمران خان نے کابینہ سے  گفتگو کرتے ہوئے کہا کہ جو کام کریں اس کو اجاگر کریں، پی ڈی ایم میرا کچھ نہیں کرسکتی، ان کو اپنا شوق پورا کر لینےدیں، ہمیں پی ڈی ایم سے کوئی خطرہ نہیں۔ وزیراعظم نے کہا کہ اپوزیشن کو عوام کی کوئی پرواہ نہیں، پی ڈی ایم انتشار پھیلا رہی ہے، کسی کو انتشار پھیلانے کی اجازت نہیں دیں گے، اپوزیشن بیوقوفی کےفیصلے کر رہی ہے ، لانگ مارچ عوام کے لیے نہیں بلکہ اپنی چوری بچانے کے لیے ہے۔

وزیراعظم عمران خان  نے مزید  کہا کہ مہنگائی سمیت عوامی مسائل کا ادراک ہے،  مہنگائی پر قابو پانے کے لیے اقدامات کررہے ہیں، یوٹیلٹی اسٹورز کو رمضان پیکج کے لیے 6 ارب کی منظوری دے دی گئی ہے۔