فواد چوہدری نے عالمی سازش سے متعلق کمیشن قائم کرنے کی ہدایات کردی

وزارت قانون کی جانب سے جاری اعلامیے کے مطابق فواد چوہدری نے عالمی سازش سے متعلق کمیشن قائم کرنے کی ہدایات کردی۔

اعلامیہ میں یہ بھی کہا گیا ہے کہ کمیشن عالمی سازش سے حکومتی تبدیلی اور تحریک عدم اعتماد جیسے عوامل کا جائزہ لے گا، کمیشن عالمی سازش کی تحقیقات کرکےاپنی رپورٹ مرتب کرےگا۔

وزارت قانون کے اعلامیے میں اسلام آباد، کراچی اور لاہور میں درجنوں لیگل افسران تبدیل کرنے کے بھی احکامات دیے گئے ہیں۔

اعلامیہ کے مطابق فواد چوہدری نے وزارت قانون کے تمام افسران کو فرائض بہتر انداز میں انجام دینے کی ہدایت کی ہے۔

واضح رہے کہ وفاقی وزیرِ اطلاعات و نشریات فواد چوہدری کو وزارتِ قانون و انصاف کا اضافی قلمدان سونپ دیا گیا ہے۔ 
 
کابینہ ڈویژن نے وفاقی وزیرِ اطلاعات و نشریات فواد چوہدری کو وزارتِ قانون و انصاف کا اضافی قلمدان سونپے جانے کا نوٹیفکیشن جاری کر دیا ہے۔