عمران خان مزید 15 دن وزیر اعظم کے عہدے پر رہیں گے:شیخ رشید

سربراہ عوامی مسلم لیگ شیخ رشید نے میڈیا سے گفتگو میں کہا ہے کہ ان کا خیال ہے کہ وزیر اعظم عمران خان مزید 15 روز اپنے عہدے پر فائز رہیں گے۔

انہوں نے کہ کہا میری خواہش ہے کہ وفاق کے بعد پنجاب اور خیبر پختونخوا کی اسمبلیاں بھی توڑ دی جائیں۔

میڈیا نمائندگان سے گفتگو میں انہوں نے کہا کہ میں یہی کہہ رہا تھا کہ مسئلے کا حل الیکشن ہی ہے،اپوزیشن جماعتیں وقت سے پہلے الیکشن کا کہتی رہیں، اب وقت ہے، قبل از وقت الیکشن کے لیے آ جائیں۔

سابق وزیر داخلہ نے کہا کہ عام انتخابات الیکٹرانک ووٹنگ مشین کے بغیر ہوں گے اور اپوزیشن کو خوش  ہونا چاہیے کہ ان کی بغیر ووٹنگ الیکشن کی بات مان لی گئی ہے۔