امریکی ریاست کیلیفورنیا میں فائرنگ سے 6 افراد ہلاک

تفصیلات کے مطابق فائرنگ کی اطلاع ملتے ہی پولیس اور دیگر سیکیورٹی ادارے جائے وقوع پر پہنچے اور تمام خارجی و داخلی راستوں کی ناکہ بندی کردی گئی۔

پولیس کا کہنا ہے کہ تاحال فائرنگ کی وجوہات سامنے نہیں آسکی ہیں اور نہ ہی کوئی گرفتاری عمل میں آئی ہے۔

ریسکیو اداروں کے اہلکاروں نے فوری طور پر ہلاک ہونے والوں کی نعشوں کو پوسٹ مارٹم کے لیے اسپتال منتقل کردیا ہے جب کہ زخمیوں کو اسپتال میں طبی امداد دی جا رہی ہے۔

پولیس کے مطابق جس جگہ پر فائرنگ ہوئی ہے وہ بہت رش والی جگہ ہے اور ریسٹورنٹس و بار ہونے کی وجہ سے لوگوں کا غیر معمولی رش رہتا ہے۔