اپوزیشن غیر ملکی سازش کا آلہ کار بننے کی بجائے انتخابات قبول کرے:وزیر اعظم

سماجی رابطے کی ویب سائیٹ ٹوئیٹر پر جاری اپنے پیغام میں وزیر اعظم عمران خان نے کہا کہ ہمارے عام انتخابات کے اعلان پر پی ڈی ایم  کے ردِعمل پر حیران ہوں۔

انہوں نے اپوزیشن اتحاد سے سوال کرتے ہوئے کہا کہ اِنہوں نے تو آسمان سر پر اٹھا رکھا تھا کہ تحریک انصاف کی حکومت ناکام ہوگئی ہے اور عوام میں اپنی تائید و مقبولیت کھو بیٹھی ہے تو پھر اب انتخابات سے خوفزدہ کیوں ہیں؟

کیا پی ڈی ایم کیلئے یہ بہتر نہیں کہ حکومت گرانے کی غیرملکی سازش میں آلۂ کار بننے اور ضمیروں کی شرمناک منڈیاں سجا کر ہمارا قومی اخلاقی ڈھانچہ تباہ کرنےکی بجائے انتخابات قبول کریں؟#WhyScaredOfElections

— Imran Khan (@ImranKhanPTI) April 3, 2022

وزیر اعظم  نے متحدہ اپوزیشن کو مشورہ دیتے ہوئے کہا کہ کیا پی ڈی ایم کے لیے یہ بہتر نہیں کہ حکومت گرانے کی غیرملکی سازش میں آلۂ کار بننے اور ضمیروں کی شرمناک منڈیاں سجا کر ہمارا قومی اخلاقی ڈھانچہ تباہ کرنےکی بجائے انتخابات قبول کریں؟

انہوں نے مزید کہا کہ جمہوری لوگ تو تائید و حمایت کے لیے ہمیشہ عوام ہی سے رجوع کرتےہیں۔