پاکستان کا تاریخی دورہ کامیاب رہا : آسٹریلوی کرکٹ کوچ 

تفصیلات کے مطابق آسٹریلوی کرکٹ ٹیم کے کوچ  ا اینڈریو میکڈونلڈ نے آن  لائن پریس کانفرنس میں کہا کہ بابر اعظم نے ون ڈے سیریز شاندار کھیلی ہے ، پاکستانی کرکٹرز نے عمدہ کھیل پیش کیا، پاکستان کے ایمرجنگ کھلاڑی بھی اچھا کھیل رہے ہیں۔

انہوں نے کہا کہ ٹریوس ہیڈ نے ذمہ داری لی جس کا فائدہ ہوا، سیریز کا پہلا میچ جیتے کے بعد دوسرا میچ جیتنے کا ہمارے پاس موقع تھا۔

آسٹریلوی کرکٹ کوچ نے کہا کہ کرکٹ آسٹریلیا کے ساتھ میری ابھی تفصیلی بات نہیں ہوئی، مستقبل میں میری جاب کا کیا ہوتا ہے اس کا ابھی علم نہیں۔

ان کاکہنا تھاکہ میرے لیے یہاں کوچنگ کا تجربہ شاندار رہا، لطف اندوز ہوا ہوں، ایرون فنچ بھی اپنی حالیہ فارم کی وجہ سے مایوس ہے۔

خیال رہے کہ آسٹریلیا نے پاکستان کو ٹیسٹ سیریز میں شکست دی تھی اور قومی ٹیم نے ون ڈے سیریز میں کامیابی حاصل کی تھی  جبکہ دونوں ٹیموں کے مابین واحد ٹی ٹوئنٹی کل لاہور میں کھیلا جائے گا۔