اے ڈی بی نے پاکستان میں معاشی شرح نمو میں کمی کا خدشہ ظاہر کردیا 

تفصیلات کے مطابق ایشیائی ترقیاتی بینک   کاکہنا ہےکہ رواں سال پاکستان کی اقتصادی ترقی کی شرح  4 فیصد رہنے کی توقع ہے ، سخت معاشی اور مانیٹری پالیسی کے باعث معیشت سست روی کا شکار ہوسکتی ہے۔

اے ڈی  بی  کے مطابق حکومت نے جاری کھاتوں کے خسارے اور مہنگائی کو قابو کرنے کے اقدامات کیے،حکومت ملکی زرمبادلہ کے ذخائر بڑھانے کی کوشش کر رہی ہے ، ان اقدامات سے معاشی شرح نمو 5.6 فیصد سے کم ہوکر 4 فیصد تک آ سکتی ہے۔

ایشیائی ترقیاتی بینک   کاکہنا ہےکہ عالمی منڈی میں تیل کی قیمتیں بڑھنے سے پاکستان میں مہنگائی میں اضافے کا امکان ہے ، بین الاقوامی مارکیٹ میں کھانے پینے کی اشیاء کی قیمتوں میں بھی اضافہ ہوا ہے ۔