سپریم کورٹ کے باہر سیکیورٹی ہائی الرٹ کردی گئی

تفصیلات کے مطابق  ڈپٹی سپیکر کی رولنگ کے خلاف دائر درخواست پر سپریم کورٹ کا فیصلہ  آنے کو ہے ،  سپریم کورٹ کے باہر اضافی نفری تعینات کردی گئی ہے ۔ 

سپریم کورٹ کے احاطے میں سیکیورٹی الرٹ کر تے ہوئے  مزید اہلکاروں کو بلالیا گیا ہے۔ ایف سی اہلکار، اور اضافی نفری کو سپریم گیٹ کے احاطے میں تعینات کر دیا گیا۔

احاطے میں پولیس اہلکاروں نے پوزیشنیں سنبھال لیں ہیں جبکہ وفاقی پولیس کے افسران بھی سپریم کورٹ کے احاطے میں پہنچ گئے ہیں ، اسکے علاوہ ایس ایس پی اسلام آباد اور ایس پی سیکیورٹی بھی سپریم کورٹ میں موجود ہیں ۔

 سپریم کورٹ کے باہر غیر ضروری افراد کا داخلہ بھی ممنوع ہے ، کسی بھی ہنگامی صورت حال سے نمٹنے کے لیے پولیس کی نفری موجودہے ۔