وزیراعظم نے پارٹی رہنماؤں کا ہنگامی اجلاس طلب کرلیا

وزیراعظم عمران خان نے پارٹی رہنماؤں کا ہنگامی اجلاس طلب کرلیا جو اب سے کچھ دیر بعد ہوگا جس میں حکومتی قانونی ماہرین کو بھی طلب کیا گیا ہے۔

اجلاس میں قانونی ماہرین اور سینئر قیادت سر جوڑے گی اور ملک کی موجودہ سیاسی صورتحال کے تناظر میں  آئندہ کا لائحہ عمل بھی مرتب کیا جائے گا۔ اجلاس میں سپریم کورٹ کے ممکنہ فیصلے پر غور کیا جائے گا ۔

واضح رہے متحدہ اپوزیشن کی جانب سے بھی ہنگامی اجلاس ساڑھے 7 بجے مسلم لیگ (ن) کے صدر شہباز شریف کی رہائش گاہ پر طلب کیا گیا تھا جس میں تمام جماعتوں کے رہنماؤں کو شرکت کی دعوت دی گئی تھی۔