یہ کوئی قطری خط نہیں، پاکستان کی حکومت تبدیل کرنے کی دھمکی دی گئی تھی: گورنر سندھ

تفصیلات کے مطابق گورنر سندھ عمران اسماعیل نے ڈپٹی اسپیکر کی رولنگ کے خؒاف از خود کیس کے فیصلے پر اظہار خیال کرتے ہوئے کہا ہے کہ اس فیصلے سے غیریقینی صورت حال میں اضافہ ہوگا اور کوئی بہتری نہیں ہوگی۔

میڈیا رپورٹس کے مطابق گورنر سندھ نے کہا کہ اس فیصلے سے سیاسی محاذ آرائی میں شدت آئے گی، اور معیشت کو جھٹکا بھی لگ سکتا ہے۔

انہوں نے عدالتی فیصلے پر افسوس کا اظہار کرتے ہوئے کہا کہ ایسے فیصلے کی توقع نہیں تھی۔

گورنر سندھ نے کہا کہ ہم نے ہمیشہ عدالتی فیصلوں کا احترام کیا ہے، لگتا تھا کہ عدالت فیصلہ کرنے سے پہلے شواہد کا جائزہ لے گی۔

انہوں نے کہا کہ ہم الیکشن کے لیے تیار ہیں، اپوزیشن الیکشن کا مطالبہ کر کے اب بھاگ رہی ہے۔

گورنر سندھ عمران اسماعیل نے کہا کہ ضمیر جاگنے کی مشین سندھ ہاؤس میں لگی ہوئی تھی، سندھ ہاؤس میں جو کچھ ہوا وہ غیر آئینی تھا۔