پارلیمنٹ کے اجلاس کا 6 نکاتی ایجنڈا جاری

تفصیلات کے مطابق اسپیکر قومی اسمبلی اسد قیصر نے پارلیمنٹ کا اجلاس کل ساڑھے 10 بجے طلب کر لیا ہے۔

جی این این کے مطابق قومی اسمبلی کے اجلاس کا 6 نکاتی ایجنڈا بھی جاری کر دیا گیا ہے۔

بتایا گیا ہے کہ اجلاس کے 6 نکاتی ایجنڈے میں وزیر اعظم عمران خان کے خلاف عدم اعتماد کی قرار داد بھی شامل ہے۔

یاد رہے کہ گزشتہ روز سپریم کورٹ آف پاکستان نے ڈپٹی اسپیکر کی رولنگ کے خلاف از خود نوٹس کے فیصلے میں 3 اپریل کی ڈپٹی اسپیکر کی رولنگ کو کالعدم قرار دے دیا تھا۔

سپریم کورٹ نے تحریک عدم اعتماد کو برقرار رکھا تھا اور قومی اسمبلی تحلیل کرنے کا فیصلہ غیر آئینی قرار دیتے ہوئے کابینہ کو بھی بحال کر دیا تھا۔