بندروں کی حملے سے 21 سالہ لڑکی جاں بحق

غیر ملکی خبر رساں ایجنسی کی رپورٹ کے مطابق مقامی پولیس نے واقعے کا مقدمہ درج کر کے تحقیقات کا آغاز کر دیا ۔پولیس کے مطابق لڑکی پروفیشنل ٹریننگ کی غرض سے مقامی ہاسٹل میں ٹھری ہوئی تھی۔وہ اپنی دوستوں کے ہمراہ چھت پر کھیل رہی تھی کہ کافی سارے بندر وہاں اکھٹے ہو گئے۔

پولیس کے مطابق لڑکیوں نے بندروں کو بھگانے کی کوشش کی تاہم وہ اپنی جگہ سے نہ ہلے۔اس دوران بندروں کے حملے کے ڈر سے لڑکیوں نے چھت سے بھاگنے کی کوشش کی کہ اس دوران ایک لڑکی چھت سے گر گئی اور موقع پر ہی ہلاک ہو گئی۔پولیس نے مزید بتایا کہ لڑکی کی لاش قریبی ہسپتال منتقل کر دی گئی ہے جو پوسمارٹم کے بعد اس کے گھر والوں کے حوالے کر دی جائے گی۔