حکومت نے منحرف اراکین کی نااہلی کا ریفرنس جمع کروادیا

میڈیا رپورٹس کے مطابق چیئرمین پاکستان تحریک انصاف نے منحرف اراکین کے خلاف ریفرنس اسپیکر قومی اسمبلی کو بھجوا دیا ہے۔

بتایا گیا ہے کہ 20 منحرف اراکین کے خلاف ریفرنس آئین کے آرٹیکل 63 اے کے تحت جمع کروایا گیا۔

منحرف ممبران اسمبلی کے خلاف ریفرنس میں اسپیکر قومی اسمبلی سے استدعا کی گئی ہےکہ منحرف اراکین کو ڈی سیٹ کرنے کی کارروائی کا آغاز کیا جائے۔

ریفرنس کے متن کے مطابق منحرف اراکین پاکستان تحریک انصاف کے ٹکٹ پر منتخب ہوئے تھے تاہم ان اراکین نے پارٹی وفاداری تبدیل کرتے ہوئے اپوزیشن میں شمولیت اختیار کی۔

مزید یہ کہ منحرف اراکین کو شوکاز نوٹس بھی جاری کیےگئے تھے لیکن انہوں نے شوکاز نوٹس کا خاطر خواہ جواب نہ دیا۔