الیکشن کمیشن کے دفاتر بھی فوری کھولنے کے احکامات جاری

میڈیا رپورٹس کے مطابق الیکشن کمیشن آف پاکستان کے دفاتر فوری کھولنے کے احکامات جاری کردیے گئے ہیں۔

واضح رہے کہ اس سے قبل چیف جسٹس آف پاکستان نے رات 12 بجے دفاتر کھولنے کا حکم دیا۔

سپریم کورٹ آف پاکستان نے ڈپٹی اسپیکر کی رولنگ کے خلاف از خود نوٹس کیس میں فیصلہ سنایا تھا کہ 3 اپریل کو عدم اعتماد پر ووٹنگ کا عمل جہاں روکا گیا تھا وہیں سے دوبارہ شروع کیا جائے، اور ہفتے کے روز اسے مکمل کر لیا جائے۔

سپریم کورٹ نے اپنے فیصلے میں پابند کیا تھا کہ ہفتے کے روز قومی اسمبلی کا اجلاس بلایا جائے اور اس وقت تک ملتوی نہ کیا جائے جب تک ووٹنگ کا عمل مکمل نہ ہو جائے۔

کہا جا رہا ہے کہ اگر اسپیکرکی جانب سے 12 بجے تک عدم اعتماد پر ووٹنگ نہیں کروائی جاتی تو عدالت کی طرف سے ایکشن لیے جانے کا امکان ہے۔

دوسری جانب ایک اور خبر بھی سامنے آ رہی ہے جس کے مطابق اسلام آباد ہائی کورٹ نے بھی رات 10 بجے دفاتر کھولنے کا حکم دیا ہے۔