وزیراعظم نے آرمی چیف کو برطرف کرنے کی خبروں کی تردید کر دی

تفصیلات کے مطابق ملک کی سیاسی صورت حال کے حوالے سے وزیراعظم نے سینئر صحافیوں سے خصوصی ملاقات کی اور اپنے نقطہ نظر سے آگاہ کیا۔

سینئر صحافیوں سے گفتگو میں وزیراعظم عمران خان نے آرمی چیف کی تبدیلی کی خبر کی سختی سے تردید کرتے ہوئے کہا کہ عسکری ڈیپارٹمنٹ میں کسی قسم کی کوئی تبدیلی نہیں کی جا رہی۔

وزیر اعظم نے کہا کہ جب بھی اہم اجلاس بلاتے ہیں تو افواہوں کا بازار گرم ہو جاتا ہے۔

انہوں نے کہا کہ آرمی چیف کوتبدیل کرنےکی کوئی بات نہیں ہوئی نہ ہی اس متعلق سوچا ہے۔

وزیر اعظم نے کہا کہ میں اپنا کام آئین وقانون کےمطابق کرتارہوں گا۔