تحریک عدم اعتماد: سپریم کورٹ کا لارجر بینچ 12بجکر 5 منٹ پر کیس کی سماعت کرے گا

میڈیا رپورٹس کے مطابق آج رات 12 بجے سپریم کورٹ کے دروازےکھولنے کے احکامات دے دیے گئے ہیں۔

بتایا گیا ہے کہ سپریم کورٹ کھولنے کے احکامات جاری کر دیے گئے ہیں اور عملے کو رات 12 بجے کے بعد فوری پہنچنے کی ہدایت کردی گئی ہے۔

تازہ صورت حال کے مطابق چیف جسٹس پاکستان سمیت سپریم کورٹ کا 5 رکنی ازخود نوٹس بینچ عدالت پہنچ گیا ہے۔

سپریم کورٹ کا لارجر بینچ 12بجکر 5 منٹ پر کیس کی سماعت کرے گا۔

لارجر بینچ میں چیف جسٹس عمر عطابندیال، جسٹس جمال خان مندوخیل، جسٹس اعجازالاحسن، جسٹس مظہر عالم میاں خیل اور جسٹس منیب اختر شامل ہیں۔