عمران خان کا نام ای سی ایل میں ڈالنے کی درخواست سماعت کے لیے مقرر

میڈیا رپورٹس کے مطابق اسلام آباد ہائی کورٹ نے مبینہ دھمکی آمیز خط کی تحقیقات اور وزیراعظم کا نام ایگزٹ کنٹرول لسٹ (ای سی ایل) میں ڈالنے کی درخواست سماعت کے لیے مقرر کردی گئی۔

بتایا گیا ہے کہ درخواست شہری مولوی اقبال حیدر کی جانب سے دائر کی گئی ہے جس کی سماعت چیف جسٹس اطہر من اللہ 11 اپریل کو کریں گے۔

درخواست میں سابق وزراء فواد چودھری، شاہ محمود قریشی، سابق ڈپٹی اسپیکر  قاسم سوری اور اسد مجید کا نام بھی ای سی ایل میں ڈالنے کی استدعا کی گئی ہے۔

درخواست میں کہا گیا ہے کہ سیکرٹری داخلہ کو وزیراعظم اور وزراء کے خلاف مبینہ خط سے متعلق انکوائری کا حکم دیا جائے۔

یہ بھی کہا گیا کہ درخواست پر فیصلہ ہونے تک وزیراعظم، وزراء اور اسد مجید کا نام ای سی ایل میں ڈالا جائے۔