تحریک انصاف نے وزارت عظمیٰ کے لیے اپنا امیدوار نامزد کردیا

تفصیلات کے مطابق تحریک انصاف کی جانب سے وزارت عظمیٰ کے لیے شاہ محمود قریشی نے کاغذات نامزدگی جمع کروا دیے ہیں۔

عامر ڈوگر اور علی محمد خان تائید کنندہ اور تصدیق کنندہ ہیں، شاہ محمود قریشی کے کل 4 فارمز قومی اسمبلی سیکرٹریٹ میں جمع کروائےگئے ہیں۔

میڈیا ذرائع کے مطابق پاکستان تحریک انصاف کی جانب سے عامر ڈوگ، ملیکہ بخاری اور زین شاہ نے شاہ محمود قریشی کے کاغذات نامزدگی جمع کروائے۔

قومی اسمبلی میں قائم مقام اسپیکر قاسم خان سوری نے قائد ایوان کے لیے امیدواروں کے کاغذات نامزدگی کی جانچ پڑتال کی۔

کاغذات کی جانچ پڑتال کے دوران شاہ محمود قریشی نے شہباز شریف کے کاغذات نامزدگی پر اعتراض بھی اٹھایا۔