شہباز شریف متحرک، اتحادی جماعتوں کے قائدین سے ملاقاتیں

قومی اسمبلی میں وزیر اعظم کے انتخابات کے لیے ووٹنگ کے سلسلے میں نامزد وزیر اعظم شہباز شریف متحرک ہو گئےہیں۔

انہوں نےاسلام آباد میں زرداری ہاؤس میں سابق صدر آصف زرداری سے ملاقات کی جبکہ جے یو آئی (ف) کے سربراہ مولانا فضل الرحمٰن سے بھی سیاسی بیٹھک میں تبادلہ خیال کیا گیا۔

شہباز شریف نے بلاول بھٹو سے بھی ان کی رہائش گاہ پر ملاقات کی، عدم اعتماد پر ساتھ دینے پر پیپلز پارٹی کا شکریہ ادا کیا اور مستقبل میں سیاسی تعاون کو مزید بڑھانے پر بھی اتفاق کیا گیا۔

ترجمان کے مطابق شہباز شریف نے ایم کیو ایم کیو، بی اے پی کے وفود کے علاوہ آزاد ارکان اسمبلی علی وزیر اور محسن داوڑ سے بھی ملاقاتیں کیں اور تحریک عدم اعتماد میں حمایت پر ان کا شکریہ ادا کیا۔

پاکستان مسلم لیگ (ن) کے صدر نے وزیر اعظم کے انتخاب کے لیے ووٹنگ میں حمایت بھی طلب کی ہے۔